2013年10月8日 星期二

井底之蛙

井底之蛙

文章日期:06/14/2012 04:44 am

試過有琴行老板打來洽詢調音合作的事情,在商言商,完全人之常情,學生係你既,咁佢既鋼琴調音費你想分一杯羹完全無可厚飛,合情合理。但係你仲要諗住調音仲要包理整琴嗰下真係過份,吾知以為我收美金。
在我來講吾係識郁有聲就叫鋼琴囉,鋼琴吾係剩係得調音,你可以吾知,你可以吾明,但就吾好叫我跟你嗰套做野囉。你吾會教醫生點開薬,教律師打官司,但係就諗住我做你扯線公仔,要我點就點,有病請看醫生。最後講啲野仲好笑,30年無調音既大陸琴調吾調到,我可以好肯定話你知,呢種琴吾係要調,而係要整既多。跟住又問生鏽既弦會吾會調斷,呢個問題完全係多餘既,吾識郁既琴你會吾會囉黎表演吖。
調音師吾係係一部狀態不佳既琴上面調音調得到為之厲害,而是要將狀態不佳既鋼琴回復原來的手感,音色,最後先講調音,鋼琴調音在調音師黎講係最最最基本技能,無太高深既技巧,只不過要求熟練性非常之高,要練習到好以呼吸一樣,第二本能,訓醒未撐大眼都要調到(本人親身試驗過),未食飯都要調到,心情好心情吾好都要調到,咁先叫專業。 
專業人仕,專業服務,專業價錢。我都會有收平既時候,例如社福機構,弱勢家庭。雪中送炭吾怕做,錦上添花就無謂做。在商言商好,大家講錢啫。

Mobile / Whatsapp: 95757991


Google Blogspot:

   http://leopianoshop.blogspot.hk/

Facebook:
 
  http://www.facebook.com/leopianoshop

沒有留言:

張貼留言